STUB´NBLUESI
Text zum Song
"Urlaub 2011"
De Koffer san backt, es is Viere in da Fria
Schnell no an Kaffe neigschütt, do stehna de Ketts vor da Diar
In Nittendorf dann, gehts auf d Áutobahn
Nach Kroatien geht’s, noch Tisno woln ma fahrn
Ja do foan ma hi, ja do foan ma hi
Auf nach Kroatien, ja do woln ma hi
In Wiesent dann, wia alle Joar des Gschrei
Da Geldbeidl wird gsuacht, dann hamman doch dabei
De Kinda lign im Schlafsack, de Augn halbad zua
Des machd ma nix aus, do hob I a Zeitlang mei Rua
An Passau vorbei, des Bickerl an die Scheim
Es is wenig Verkehr, so sollds eigentlich bleim
Alles is ruhig, es lafd wunderbar dahi
Da stört ein Schrei diese Harmonie
Didi singt: Zum Biesln miaßd ma naus, afs Klo miaßd ma naus
Da ganze Schnitt is beim Deife, beim Landzeit fahr I raus
Solo
Mir lassn Graz rechts ling, nach Slowenien nei
Des bissl Landstraß, des hamma glei
I bin ganz entspannt, do warnt mi mei Frau
He Oider dua langsam, do vorn is a Stau
Und zwar de nächsten zwoa Stund, und des war da Grund
Da Grenzer schaugd jeds Buidl o, der is ned ganz gsund
Des Zui dann erreicht, des Weda is schee
A Superquartier, besser kannds goa ned geh
Des Wasser is klar, da Himme is blau
Tisno is klasse, Kroatien is a Schau
Noch 14 Dog geht’s dann wieder nach Haus
Um die Hüftn a wengl runder, oba des machd uns nix aus
Des Karlovatschko war guad, sogar an Kas hamma dabei
Mia san guad erholt, die Gedanken sind frei
Weil des Kroatiengfui, des bringt uns recht vui
Konn eitz kemma was mog, konn eitz kemma wos wui
Konn eitz kemma was mog, konn eitz kemma wos wui